Pyetje të shpeshta
Përmbledhje e përgjigjeve kryesore mbi përdorimin e platformës dhe aksesin në dokumente.
Çfarë dokumentesh përmban platforma?
Platforma përmban tipologji të ndryshme të dokumente arkivore të deklasifikuara duke ofruar një përshkrim të shkurtër të funksionimit, strukturës, metodave të ish-Sigurimit të Shtetit për periudhën 1944-1991.
Si përzgjidhen dokumentet?
Dokumentet përzgjidhen nga në bazë të vlerës historike dhe kërkimore, gjendjes fizike dhe respektimit të ligjeve për mbrojtjen e të dhënave personale, sidomos për rastet individuale.
Përse dokumentet përmbajnë redaktim, anonimizim, transkriptim?
Për të mbrojtur të dhënat personale dhe për të siguruar qartësinë e informacionit, duke respektuar standardet etike dhe ligjore.
A mund të kërkoj dokumente që lidhen me emrin tim apo të afërmve/familjarë?
Mediateka e AIDSSh nuk parashikon publikimin e informacionit personal, në përjashtim të rasteve kur informacioni është tashmë publik ose vetë individi ka dhënë pëlqimin për publikimin e dokumenteve tyre. Megjithatë ju mund të paraqisni një kërkesë duke plotësuar formularët e mëposhtëm ose të paraqiteni pranë zyrave të Autoritetit.
- https://aidssh.al/qytetari/formular-aplikimi-per-informim-te-individeve/
- https://aidssh.al/formular-aplikimi-per-informim-te-individeve-mbi-dokumentacionin-per-internim-debimet/
- https://aidssh.al/formular-aplikimi-per-informimin-e-kerkesave-nga-cdo-person/
- https://aidssh.al/studimi/formular-aplikimi-per-kerkues-per-qellime-kerkimore-shkencore-institucion-media-studiues/
- https://aidssh.al/formular-aplikimi-per-informim-per-zyrtaret-perpara-emerimit-ngritjes-ne-detyre-zgjedhjes-ne-poste-te-larta-procesin-e-vetingut/
Çfarë mund të bëj nëse nuk e gjej dokumentin që kërkoj?
Rezultatet e kërkimit nuk përfaqësojnë të gjitha rezultatet brenda arkivit, por vetëm një përmbajtje të vogël Brenda saj. Ne po punojmë vazhdimisht për zgjerimin e informacioneve dhe dokumenteve arkivore.
A mund të përdoren dokumentet për referenca/qëllime studimore/kërkime shkencore?
Po, dokumentet mund të përdoren për studime akademike, kërkime shkencore, dhe projekte dokumentarë, duke cituar burimin përkatës
Si mund ta kontrolloj/verifikoj nëse nëse informacioni është i saktë?
Dokumentet e platformës janë autentike, megjithatë, përdoruesit janë të inkurajuar të përdorin metoda kritike të vlerësimit për të krahasuar informacionin me burime të tjera historike, duke marrë parasysh se disa dokumente mund të përmbajnë pasaktësi të mundshme nga periudha e regjimit.
Çfarë duhet të bëj nëse dokumentet janë të paplota/pa qarta/ të palexuara?
Mund të kërkoni restaurimin dhe transkriptimin e dokumenteve që janë të dëmtuara ose të vështira për t'u lexuar. Platforma do të ndërmarrë veprime për të përmirësuar cilësinë dhe disponueshmërinë e materialeve, duke përditësuar përmbajtjen periodikisht.